Se acerca la Navidá

 Dende la furnera de Chistén tos querén deseyá  una Feliz Navidá a toz es que leyaz este blog.Y que el 2024 nos traiga salú ta toz.

Manoli, Mercedes, Rosario y Roberto

Dia de zambra en Chistén

Ayer el programa cultural de la Comarca "Zambra d'agüerro" va puyá ta Chistén. A las 12 se va fé un cuentacuentos con Sandra Araguás en la placeta de la Iglesia que va replegá un montón de chen entre chicoz y grans.

Es críos van disfrutá mucho. Dispués von entrá ta dentro la Iglesia  ta vié el concierto de la Corral, cuatro zagalas que feban mosica bien maja con las mans, tochos y cordión y cantaban.

Toz von marchá bien contentos.

Más de 300!!!

Más de 300 litros d'augua este mes, ixo ye lo que ha caito en Chistén, y hoy ya s'asoma la nieu per es picos. Conque ya tenén l'invierno encima, ya podén prepará el gambeto, cobertó y la faixina la leña ta no pasá frío.

Adiós a las lunas de verano

Dimpués d'un verano caluroso y noches de buena luna, allega el tiempo de las noches curtas y frescas, perque ya se siente l'agüerro.

Esta foto ye la zaguera luna d'Agosto, el zagué diya de la fiesta de Chistén.

Nuevo curso dende la Furnera

Ya hen empecipiau atro curso de adultos en Chistén. Estiaño el von a dedicá a  la Luna, perque resulta que diz que la NASA va a ninviá una expedición ta la Luna dimpués de quí sabe cuantos años que no se i tornaba.

Con ixa sencusa troballarén este curso cosas del espacio y textos sobre esta tema, como el famoso libro de Julio Verne "De la Tierra a la Luna".

Coronica de Carnaval 2023

 

Dimpués de 2 años hen tornau ta la normalidá. Y hen celebrau Santa Agueda 

y Carnaval.

Han estau muy bien, el tiempo nos ha acompañau y el resto ya l’hen metido 

toz es vecinos. Von empezipiar el viernes ya con la zena de Santa Agueda las 

mullés y la juventud, entremistanto, fendo el muyén ta la ronda del sabado. 

Dimpués, ya un poco animás, ta’l baile y alí von convidar a toz es que van 

querer. Chen no i yeren guaires pero María y el suyo grupo van animar asabelo.

El sabado se va empezipiar con la ronda a las 12, per las casas del lugá, con

es mosicos del país, este año más apuraus perque se va replegá todas las 

casas en un diya, el muyén el llevaban en un carro de la compra y van replega 

firme birolla ta fé cenas.

La ronda se van pasá, que va acabá bien tarde, cuasi a la hora de cená. Güena 

cena y güen baile hasta el de diya.

El Domingo, como i eba resaca, ya solo van fé que la comida de Carnaval y ya 

dimpués cada uno ta su casa.